Apex Legends review in hindi | top 10 unique features of Apex Legends

Apex Legends

apex legends review in hindi
Pubg aur Fortnite ke aate hee sab battle royale games ke deewane ho gaye hain aur aaj pubg unn games ki list me samil ho gaya hai jise sabse jada khela jata hai. Jaha pubg officially mobile platform par bhi available hai aur yahi pubg ki popularity ka main karno me se ek hai. In dono (pubg and fortnite ) battle royale games ke aane ke baad baki ke bhi game developers isi field me game develop kar rahe hain aur aise hi ek game ke bare me main aapko aaj batane wala hu jiska naam Apex Legends hai to aaiye jante hain kaisa hai Apex Legends, kya unique features hain Apex Legends me, aur kya Apex Legends pubg ko peeche chor dega.

Apex Legends review in hindi

Apex Legends ek free-to-play battle royale game hai iska matlab aap ise free me download kar sakte hain. Agar aapko Fortnite khelne me cartoon ke jaisa lagta hai aur aap pubg ke kuch jada hee realistic hone ki wajah se bore ho gaye hai to Apex Legends aapke liye bahut hee behtarin game hone wala hai. Apex Legends ko 4 February 2019 ko release kiya gaya hai aur ise Respawn Entertainment company dwara develop kiya gaya hai jise EA( Electronic Arts) ne publish kiya hai. Release ke 1 hafte ke andar hee ise 2.5 crore se jada logo ne download kar liya hai. Apex Legends baki games se thoda sa alag hai jaise isme aap alag - alag characters ke sath khelte hain aur har character ki apni ek unique ability hai aapko bata de ki isme ek character ka naam Bangalore hai.

Baki battle royale games ki tarah isme bhi aap team ke sath khelte hain. Apex Legends me ek baar me 60 player's khel sakte hain aur iss game me 3 player's ki team banti hai Apex Legends aap solo nahi khel sakte agar aap akele khelte hain to baki ke 2 player automatic aapki team me aa jayenge. Baki games ki tarah iss game me bhi aapko ek Kings Canyon naam ke map me drop kar diya jata hai jaha aapko last tak survive karna hota hai. To aaiye jante hai Apex Legends ke top 10 unique features ke bare me jo ise baki ke battle royale games se alag banate hain.

1. No fall damage

ji han dosto iss game me aapko koi bhi fall damage nahi milta iska matlab aap chahe jitni bhi height se gir jaye aapko kuch nahi hoga jaha aapko Fortnite me bhi fall damage dekhne ko milta hai aur pubg me to fall damage bahut hi jada hai aap choti buildings se bhi agar gir jate hain to aapki health kam ho jati hai aur yahi ek unique feature hai Apex Legends ka jo ise baki ke games se alag banata hai. Is game me fall damage is liye nahi hota kyoki is game me har character ke peeche booster lage hain jo ise fall damage se bachata hai. No fall damage hone se iss game me aap kahi se bhi jump kar sakte hain aapko chinta karne ki koi jarurat nahi hai.

2. knockdown shield

Apex Legends me aapko 2 type ke knockdown shield milte hain. Jab bhi aapka friend knockdown hota hai to aap use revive karte time first knockdown shield ka use protection ke liye kar sakte hai jo samne se aane wali bullets se kafi had tak bachata hai. Jaise aap pubg me revive karne ke liye smoke ka use karte hain lakin smoke aapko bullets se nahi bachata. Aur dushri knockdown shield ka use aap knockdown hone par khud ko revive karne ke liya kar sakte ho matlab is game me aap self revive bhi kar sakte ho.

3. color coding 

baki ke fps game ki tarah iss game me bhi aapko color coding dekhne ko milti hai lakin kuch aisi cheeze hain jo ise baki ke games se alag banati hai jaise jab aap enemy ko shoot karoge to aapko color coding se pata chal jayega ki samne wale bande ke pass konse level ka armor hai like jab aap enemy ko shoot karoge aur damage effect white color me aa raha hai matlab uske pass level 1 ka armor hai ya fir damage effect blue color me aa raha hai to uske pass level 2 ka armor hai usk prakar agar damage effect purple color me aata hai mtlab uske pass level 3 ka armor hai aur agar uske pass koi armor nahi hai to damage effect red color me aayega jisse aapko pata chal jayega ki jise mai shoot kar raha hoon uske pass koi armor nahi hai aur ye un features me se ek hai jo Apex Legends ko baki games se alag banata hai.

4. Hot zone and supply ship

jab game start hota hai to aapko is game ke map me ek hot zone dekhne ko mil jata hai jo ye batata hai ki kaha aapko acchi loot milegi aur iske sath hi ek supply ship bhi milti hai jahan bahut sari loot rahti hai lakin ye ship me bahut sare player's utarte hain isiliye agar aapko jaldi loot nahi milti to samjh lo aap khatam ho kyonki samne wale bande ko agar gun mil jaigi to wo aapko turant shoot kar dega.

5. sliding

Apex Legends me sliding ka feature diya gaya hai. Jab aapke pass sliding wala area aata hai to aap bhagne ke wajay slide kar sakte hain kyonki bhagne se jada slide ki speed hai jisse aap running ke mukable slide karke jada distance cover kar sakte ho. Aur ye ek kafi accha unique feature laga mujhe Apex Legends me.

6. zip lines

game ke andar aapko  zip lines dekhne ko mil jati hai iska matlab game me kafi sari rassi latkti hai jiski madad se aap yaha se waha jaldi move kar sakte ho aur iska use aap wall climbing me bhi kar sakte ho jo ki ek bahut accha feature hai is game ka.

7. Respawn your teammates

Apex Legends me aap respawn bhi kar sakte ho. respawn ka matlab ye hai ki manlo aapka teammate mar jata hai aur agar aapke pass time hai to aap apne teammate ke pass jao aur uska crate ka card lelo jiske baad aap nearest spawn market me jakar apne teammate ko dubara jinda kar sakte ho. halaki aapko respawn karne me thoda sa time lagega aur thoda distance bhi travel karna padega aur jab aap apne teammate ko respawn karoge to drop ship use laker aayegi aur uske paas koi bhi weapon nahi hoga isiliye aapke pass extra weapon hona chahiye apne teammate ko dene ke liye aur sath sath jab drop ship aayega to baki ke player's bhi drop ship ko dekh payenge aur wo akar aapko shoot bhi kar sakte hain isiliye aapko alert rehna hoga.

8. choose your character

iss game me aapko alag alag characters dekhne ko mil jate hain aur har character ki apni alag ability hai jo ki ek kafi naya feature hai iss game ka. Har character game me legends kahlate hain jab game chalu hota hai to aapko character choose karne ka time milta hai. Character bahut hi samajhdari se choose karna hota hai kyonki uski ability aapko pure game me use karni hai aur ek team me same character nahi hota.

9. Red balloons

aur agla jo unique feature hai apex legends ka wo hai red balloons. map me aapko kai jagah red balloons dekhne ko mil jayenge jinme rassi lagi hogi jiski madad se aap red balloons me jadh kar ke kafi dur tak distance travel kar sakte hain.

10. Gun screen 

aur jo last unique feature hai Apex Legends ka wo hai iski guns ki screen. game me aapko har gun me ek mini screen dekhne ko mil jati hai jo ki guns ko kafi cool look deti hai. Is mini screen me bullet numbers aate hai aur ye batati hai ki abhi kitni bullets bachi hui hain jisse aap apni gun ko reload kar sakte hain halaki gun automatically bhi reload ho jati hai.

MINIMUM SYSTEM REQUIREMENTS

  • OS: 64-bit Windows 7
  • CPU: Intel Core i3-6300 3.8GHz / AMD FX-4350 4.2 GHz Quad-Core Processor
  • RAM: 6GB
  • GPU: NVIDIA GeForce GT 640 / Radeon HD 7730
  • GPU RAM: 1 GB
  • HARD DRIVE: Minimum 22 GB of free space


Halaki budget pc me ye utna smooth nahi chalta isiliye aapke pass ek accha gaming pc hona chahiye is game best experience ke liye.

Final words 

Agar aapke pass ek accha pc hai aur aapko pubg and fortnite jaise game khelna pasand hai to aapko ek baar Apex Legends bhi khelna chahiye. Ye game aapko kafi accha aur alag experience dega.




Post a Comment

0 Comments