ad

best smartphone kaise kharide | best phone khareedne ke 7 tips



how to choose best smartphone | best smartphone kaise khareede

how to choose best smartphone | smartphone kaise khareede

Yaar kon sa phone kharidu? Ye question to hamesha aapko bahot parsaan karta hoga jab bhi aap ek smartphone kharidte honge aur kare bhi kyon na market me itne saare option jo aa gye hai aise me ek sahi phone ko choose karna bahut hee muskil ho jata hai aur ek sahi phone choose karna bahut hi jaruri hai kyoki ek phone kharidte time aapke acche khase paise lage hote hain uss phone me isiliye aaj main aapko batane wala hu ki aap best smartphone kaise choose kar sakte hain. agar aap bina soche samjhe koi bhi smartphone kharid lete hai to aapka paisa waste ho jata hai. jab bhi aap bina jankaari ke smartphone lene jate hain to dukandaar sirf aapna fayeda dekhta hai wo aapko sirf wahi phone suggest karta hai jisme uska profit jada hota hai aur aapko accha khasa chunaa laga deta hai. iss post me main aapko kai sari myth ke bare me bhi bataunga jokee aapke dimaag me smartphone kharidte waqt rehti hai isiliye iss post ko pura padhiyega.

7 tips best phone khareedne ke liye

1. budget

jab bhi aap smartphone kharide ek budget jarur banakar chale kyoki agar aap bina budget banaye phone lene pahuch jate hain to aap koi bhi phone theek se nahi le payenge kyonki dukaandar aapko alag alag price range me phone dikhayega aur agar aap budget nahi banayenge to bahut hi confused ho jayenge aur phone ki price range jaise hi badhte jayegi aapko mehnge phone acche lagenge aur aap apne mutabik phone kharid hi nahi paoge isiliye budget bahut jaruri hai. ab budget banate waqt kuch baton ka dyan rakhen jaise ki aapki jarurat kya hai hamesa apni jarurat ke hisaab se hi budget banaye jaise agar aap ek simple user hain matlab ki smartphone me baat kar liya, thoda bahut internet chala liya, facebook whatsapp chala liya aur kabhi kabhi chote mote game like subway surf , temple run jaise game khel liya to aap kam budget ke phone ko prefer kare kyoki mehnge phone ko khareedne ka aapko koi fayeda nahi hoga kyonki aap uska use hi nahi kar paoge aur agar aapko mehnga phone khareedna hi hai to aap ek mehnge brand jaise samsung ya apple ke phone khareed sakte hai aur agar aap meri tarah ek heavy user hain jo bahut game khelta hai aur jiska bina pubg ke din nahi katata to aap thoda jada budget ka phone le aur agar aapka budget thoda kam hai to aap xiaomi jaisi company ke phone khareede inn company ke phone me aapko kam paiso me bahut hi acchi performance mil jati hai aur agar aapko photography ka sauk hai to aap apne budget me acche camera wala phone ko choose kare jaise ki oppo and vivo inn company ke phone me bhale hee aapko ko acchi performance na mile lakin camera kafi accha mil jata hai.



2. screen 

smartphone kai screen size ke aate hain jadatar jo smartphone use me liye jate hain wo 5 inch aur 5.5 inch ke smartphone hain.Screen size select karte time bahut si cheezo ka dhyan rakhna padta hai jaise ki screen ka resolution, ppi(pixels per inch). hamesha phone ke screen size apne hisaab se hi select kare jaise ki agar aapko chote smartphone acche lagte hain to aap 4.5 inch ya fir 5 inch ke smartphone ko select kar sakte hain aur agar aapko ko bade smartphone pasand hain to aap 5.5 inch se 6 inch tak ke smartphone le sakte hain  aur aajkal to 18:9 aspect ratio aur notch wale phone dekhne ko mil rahe hain jo ki size me chote hote hain magar unki screen kafi badi hoti hai jo ki dikhne me bhi kafi acche lagte hain. agar aap 5 inch ke smartphone le rahe hain to uski screen resolution kam se kam hd( 720*1280) aur ppi(pixels per inch) 267 hona chahiye aur agar aap 5.5 inch ya isse upar ka phone le rahe  hain to uski screen kam se kam fhd( 1080*1920) honi chahiye aur ppi ( pixels per inch ) 400 ke upar hona chahiye kabhi bhi 5 inch se uapr ke phone me hd (720*1280) wale phone ko select na kare warna aapko apne phone me picture quality acchi nahi milegi. agar aapko aapke budget me super amoled display mil raha hai to usi phone ko purchase kare kyoki super amoled display kee picture quality kafi acchi hoti hai.

3. Ram and storage 

ram phone ki main memory hoti hai kisi bhi application ko chalane ke liye aapko ram ki jarurat padti hai ram aap apni jarurat ke mutabik select kar sakte hain agar aap jada applications ka istmaal nahi karte hain to aap kam ram wale smartphone ko kharid sakte hain aur agar aap jada multitasking karte hain aur jada applications ka istmaal karte hain to jada ram wale phone khareede. aur ek baat jada ram ka matlab ye nahi ki jada performance. phone ki performance ram par jada depend nahi karti hai aapne dekha hoga ki 14000-15000 ke phone me bhi 4 se 6 GB tak ram mil jati hai aur ek taraf 50000-60000 tak ke phone me bhi 2 se 4 GB ram milti hai like iPhone isiliye deekhawe me na jaye apna dimaag lagaye kyonki phone kee performance phone ke processor par jada depend karti hai. Ram ke baad aati hai storage aaj ke time aap ke phone me kam se kam 16 GB ki storage to honi hi chahiye aur agar phone me Memory card ka support nahi hai to kam se kam 32 GB ki storage honi hi chahiye kyonki agar aapke phone ki storage isse kam hogi to aapko kai parsaaniyo ka samna karna padega aap jada app ko install nai kar paoge aur agar aap apne phone ko jada time tak chalane wale hain to fir to future me to aap ko aur bhi parsaani hogi. Agar aapke phone me memory card ka support hai fir to jada dikkat nahi hai lekin agar memory card ka support nahi hai to hamesa jada storage wala phone ko hi prefer kare.

4. Processor

market me iss samaye kafi kam range ke smartphone me kafi acche processor mil rahe hain. processor phone ka main part hota hai kyonki phone ki overall performance phone ke processor par hee depend hoti hai yaha tak ki aapka phone kitne megapixel camera ko support karega,  kitni ram support karega ye sab phone ke processor par hee depend hoti hai. processor select karte time processor ki frequency aur architecture par dyan de. processor jitni kam nanometer ki technology pe bana hoga utna hi efficient hoga iske liye aap internet par research kar sakte hain. jada core ke peeche mat bhage kai baar 4 core wale processor ki performance 8 core wale processor se acchi hoti hai. Aur agar aap gamer hain to Processor ke sath sath GPU par bhi dhyan de ek acche GPU ko select kare waise phone me acche processor ke sath ek accha GPU bhi mil jata hai. iss samaye kai company acche processor bana rahi hain jaise ki Qualcomm Snapdragon and MediaTek aur kai smartphone company khud ke banaye huye processor ka istmaal karti jaise ki samsung Exynos aur apple bhi khud ka prosesor kaam me leti hai ho sake to inhi companies ke processor wale smartphone ko kharide.

5. operating system (OS)

market me is time android and ios popular operating system hain iske alawa aur bhi kai operating system ke phone aate hain jaise ki Microsoft ka window and BlackBerry OS jinke user aapko bahut kam hee milenge main to aapko yahi suggest karunga ki aap android ya ios operating system ke phone hee khareede kyonki aaj ke time me app developer jadatar inhi operating system par hee application bana rahe hain. android os me to aapko kai saree companies ke apne alag UI(user interface) dekhne ko mil jate hain jisse aapka phone chalane ka experience aur bhi accha ho jata hai.

6. camera

camera kisi bhi smartphone ka bahut hee important part hota hai aap smartphone kitna bhi accha le le lekin agar aapke smartphone ka camera accha nahi hai to aapka smartphone feeka pad jata hai. hum jab bhi smartphone lete hain to sirf camera ke megapixel par hee dhyan dete hain hum hamesa yahi sochte hain ki jitna jada mega pixels utna accha camera jabaki aisha nahi hota camera ki Quality uske sensor aur aperture par bhi bahut jada depend karti hai camera ka aperture jitna bada hoga utna hi accha hoga. camera ka aperture f1.7, f1.9, f2.0 iss type me darshaye jate hain ye number jitne kam honge camera ka aperture utna hi bada hoga.

7. Battery 

smartphone lete time battery ka bhi dyan rakhna bahut jaruri hai waise to aajkal ke sabhi phone me kafi acchi battery aa rahi hai lakin fir bhi smartphone lete time battery jarur dekhe ki wo kitni mah hai aaj ke smartphone me kam se kam 3000 mah ki battery jarur honi chahiye isse kam ki battery wale smartphone aapko nahi lene chahiye waise battery ki performance phone ke hardware par depend karti hai jaise agar aapke phone ki screen fhd ya isse upar hai to aapko jada mah ki battery ki jarurat hogi battery life me processor ka bhi hath hota hai agar processor jada efficient hai to kam power use karega kuch smartphone me aapko fast charge ka bhi option mil jada hai jisse apka phone kafi jaldi charge ho jata hai.

Conclusion 

hum me se kai log kafi paise lagakar bhi accha phone nahi khareed pate hain hai isiliye smartphone khareedne se pehle upar likhe article ko jarur padhe aur kam paiso me ek accha smartphone khareede. in tips ki madad se aap google pe search karke ek accha smartphone select kar sakte hain. aur jo bhi smartphone select kare uska price 3-4 dukaan aur online jarur pata kare.
Thank you

Post a Comment

4 Comments