ad

phone ki battery kaise bachaye | battery बचाने के 10 तरीके

top 10 battery saving tips

battery saving tips in hindi

Hello dosto swagat hai aapka tech support in hindi me. Aaj ke time me hum me se jadatar log smartphone ka use karte aur hum pure time smartphone par hi depend rahte hai aise me hamare smartphone ki battery life ek aham bhumika nibhati hai lakin hum me se jadatar logo ke phone ki battery bahut hi jaldi khatam ho jati hai. Ab battery jaldi khatam hone ke bahut se karan hai jaise ho sakta hai aapke phone ki battery jada mAh ki na ho ya fir aapke phone ki battery to jada power ki hai lakin aapke phone ka processor utna efficient na ho. Karan jo bhi ho last me nuksan aapka hi hota hai. Lakin agar hum kuch tips ko follow kare to hum apne phone ki battery life ko kafi had tak badha sakte hain. Isiliye aaj me aapko batane wala hu top 10 tips for battery saving in hindi. Is article ko last tak padh ke aap apne phone ki battery ko kafi had tak save kar sakte hain.

1. Display brightness

Jo sbase pahli tip hai wo hai display brightness ke bare me. Phone ki display sabse jada battery khati hai aur hum me se jadatar log apne phone ki display brightness ko automatic mode me daal ke rakhte hain jiski wajah se brightness automatically adjust hoti rahti hai lakin kai baar phone ki brightness hamari jarurat se jada bright ho jati hai aur hum lagatar jada brightness me phone ko use karte rahte hain isiliye apne phone ki brightness ko auto mode ki jagah manual mode me rakhe isse aap apni jarurat ke hisab se hi brightness ko badhayenge aur baar baar adjust bhi nahi karenge jisse aapki battery kafi had tak save hogi.

2. Disable wi-fi, Bluetooth, nfc etc

Agar aap apne phone ke wi-fi, Bluetooth, nfc etc ko on karke rakhte hain to unhe off kar dijiye isse aapki battery kafi had tak bachegi. Wi-fi, Bluetooth etc jab bhi hamare phone me on rahte hain to ye network ko search karte rahte hain jisse aapke phone ki battery consume hoti rahti hai isiliye ho sake to innhe disable kar de.

3. Clear background apps

Hum apne smartphone me apps ka use karte hain aur fir use aise hi chor dete hain jisse wo background me chalta rahta hai aur battery ko consume karta rahta hai isiliye apps ka use karne ke baad use clear kar de jisse aapki ram bhi clear ho jayegi aur battery bhi save hogi ab iska matlab ye nahi ki aap apne phone me kisi ram cleaning app ko download kar le, nahi aapko ye nahi karna hai kyonki iss type ke app aapke phone ki battery ko aur bhi consume karte hain. Aap jin applications ko use kar rahe hain unhe clear na kare kyonki agar aap baar baar un apps ko clear karenge aur baar baar un apps ko open karenge to aapka phone un apps ko load karne me aur jada battery consume karega. Halaki aaj ke smartphone me background application apne aap band ho jate hai lakin fir bhi agar aap background apps ko kill kar denge to phone ki battery life increase hogi.

4. Use dark wallpaper

Apne phone me hamesa dark wallpaper ka use kare. Jadatar log bahut hi bright wallpaper ka use karte hain aur bahut se log to live wallpaper ka use karte hain jisme sound bhi aa raha hota hai jo ki bahut jada battery ko consume karta hai isiliye apne smartphone me hamesa dark wallpaper ka use kare isse aapke smartphone ki battery bahut save hogi. Aur khaskar live wallpaper ka use to bilkul bhi na kare live wallpaper aapki battery ko sabse jada down karta hai. Iske alawa apne phone ke home screen me kam se kam widgets ka use kare.

5. Disable notification

Hamare phone me kai aise apps hote hain jinka use ham bahut kam karte hain lakin unn apps ki notification on rahti hai jisse unn apps ki notification aati rahti hai jisse kai baar agar aap phone use nahi bhi kar rahe hain to aapke phone ki notification light jalti rahti hai jo battery ko consume karti hai isiliye aap jin apps ka use nahi karte ya fir jinki notification utni jada important nahi hai to unn apps ki notification ko band kar dijiye.

6. Disable keyboard, dialpad sound

Phone ki battery ko save karne ke liye hamesa apne smartphone ke keyboard, dialpad etc ke sound ko band karke rakhe kyonki hum apne phone me jab bhi keyboard ya dialpad ka use karte hain to usme se sound aa raha hota hai aur kai baar sound ke sath vibration bhi aa raha hota hai jo ki bahut jada battery ko consume karta hai isiliye ho sake to apne phone ke keyboard aur dialpad ke sound ko band karke rakhe aur iske sath sath lock screen ke sound ko bhi disable karde jisse aapki battery bahut save hogi aur agar aap jada chatting karte hai to in triko ka jarur ismaal kare isse aapke phone ki battery bahut jada save hogi.

7. System and app updates

Aap apne phone ke software and app ko update kar ke rakhe update ke jariye kai baar bug ko fix kiya jata hai iske alawa update hone par app aur jada efficient ho jata hai jisse wo kam battery consume karta hai isiliye apne smartphone ke app and software ko timely update kar ke rakhe.

8. Accounts sync

Agar aap apne phone ki settings me account sync option par jayenge to aap dekhnge ki  google ki bahut sari services like google play books, google play music etc par sync enable hoga. App jin aaps ka use nahi karte uska sync band kar dijiye kyonki sync background me chalta rahta hai aur battery ko consume karta hai isiliye jin services ka use aap nahi karte uska sync band kar dijiye isse aapki battery life kafi acchi hogi.

9. Screen timeout

Hum me se jadatar log apne phone ka screen timeout bahut jada rakhte hain jisse jab bhi hum phone chorte hain hamara phone on rahta hai aur battery ko consume karta rahta hai kai baar to screen time out 10 minute se bhi jada hota hai isiliye apne smartphone ke screen time out 10 ya 15 second ka rakhe.

10. Use power saving mode

Aaj ke time ke jadatar smartphone me power saving mode mil jata hai jiska use karne se kafi battery save hoti hai isiliye ho sake to power saving mode ka use kare. Power saving mode on karne se aapka phone kam power ko use karta hai isiliye agar aap apne smartphone me gaming kar rahe hain to power saving mode ko off kar dijiye kyonki power saving mode aapke game ki performance ko kam kar sakta hai. Jab aap apne smartphone me bahut jada heavy task na kar rahe ho to power saving mode ko on karke rakhe.

Conclusion

In top 10 tips ka use karke aap apne phone ki battery performance ko 15 - 25% tak badha sakte hain.







Post a Comment

0 Comments