ad

Android root kya hai | kya 2020 me phone root karna chahiye


Android root kya hai

Android root kya hai

Aapne kabhi na kabhi to android root ke bare me jarur suna hoga aur agar aapko nahi pata ki android root kya hota hai to is article ko pura padhiyega isme aapko pata chal jayega ke android root hota kya hai. Jab koi bhi smartphone me Android operating system ko dala jata hai to uski kuch limitation hoti hai aur jab hum us limitations ko tod dete hain to use hi android root kaha jata hai. Root ka matlab hota hai jad yani ki agar aap kisi android smartphone ko root kar dete hain to ab aapko us smartphone ka root access mil gaya hai matlab ab aap us phone me jo chahe kar sakte hain jaise ki agar aap kuch system apps jo ki pehle uninstall nahi ho rahi thi ab aap use uninstall kar sakte hain ya fir aap custom rom ko install karke apne phone ka android version badha sakte hain. Phone root karne par aap us phone ke android security ko tod dete hain jisse aapko root access mil jata hai isiliye jab phone me android os dala jata hai to usme kuch limitation lagai jati hai jisse wah secure bhi hota hai aur ek normal user phone ke operating system se ched chad na kar sake isiliye phone me kisi bhi prakar ke changes karne ke liye aapko phone root karna padta hai.

Android root kaise kare

Android root karna utna bhi mushkil kaam nahi hai aap computer and mobile dono se root kar sakte hain. Root karne ke liye aapko ek kingroot naam ki application download karni hogi yah application computer and mobile dono ke liye available hai. Agar aap computer se android root kar rahe hain to aapke phone ka usb debugging on hona chahiye ise aap developer option me jakar on kar sakte hain aur developer option ko access karne ke liye aako apne phone ki settings me jana hai uske baad aapko about phone me jana hai fir aapko build number par 7 baar tap karna hai jiske baad developer option khul jayega. Alag alag brand ke phone me build number ke jagah aur khuch bhi likha ho sakta hai jaise ki mi me aapko miui version likha hoga jispar aapko tap karna hai. Usb debugging on karne ke baad apne computer me kingroot ko open kar lijiye aur apne phone ko computer se connect kar dijiye data cable ki madad se dhyan rahe ki apki data cable acchi quality ki honi chahiye. Ab aap root par click kar dijiye jiske baad aapka phone root hone lagega. Jab phone root ho raha ho to usb cable ko bilkul bhi na nikale warna aapka phone kharab ho sakta hai.
Kai baar kingroot se phone root nahi hota isiliye phone root karne ke aur bhi method hain jaise ki TWRP ki madad se phone root karna.

Phone root hai ki nahi check kaise kare

Root karne ke baad aapka android root hua ya nahi iska pata lagana kafi simple hai aapko bas play store me jana hai aur root checker naam ki application ko install kar lena hai fir aap is application ko open karenge aur iski madad se aap check kar sakte hain ki phone root hua ya nahi. Agar green signal aaye matlab phone root ho chuka hai aur agar red signal aaye matlab phone root nahi hua hai.

Android root karne ke fayede

Android root karne ke kai sare fayede hain jinme se kuch important fayede maine neeche bataya hua hai.

  • Android phone ko root karne ke baad aap us phone ki performance ko badha sakte hain. Bahut se apps hain jo ki phone ke processor ko overclock kar deti hain jisse aapke phone ki performance badh jati hai lakin performance badhne par phone ki battery life kam ho jati hai.
  • Root karne ke baad kuch apps ki madad se aap phone ki ram ko bhi badha sakte hain halaki ram ek hardware part hai jise software se badhana impossible hai isiliye ye applications aapke phone ki memory ko ram ke jaise istemal karti hain isiliye aapke phone ki ram to badh jati hai lakin us ram ki speed ek original ram jitni nahi hoti.

  • Root karne ke baad aap apne phone ke un apps ko uninstall kar sakte hain jinhe pehle aap nahi kar pa rahe the.
  • Phone ko root karne ke baad aap custom rom ko install kar sakte hain jisse aap apne phone me latest android version chala sakte hain.
  • Kuch apps especially root phone ke liye hi banai jati hain jinhe aap sirf usi phone me use kar sakte hai jo phone rooted hai.


Android root karne ke nuksaan

7 Agar kisi cheez ke fayede hain to uske nuksaan bhi hai waise hi android ko root karne ke nuksaan bhi hain.
  • Root karte time aapka phone kharab bhi ho sakta hai. Root karte waqt phone ki stock rom kharab ho sakti hai jiske baad aapka phone chalu nahi hoga. Aap jab bhi phone chalu karenge to screen me sirf android ka logo aayega. Halaki dubara stock rom dalkar phone ko wapas se thik kiya ja sakta hai aur ise flashing bhi kehte hain.
  • Root karne se aapke phone ki warranty khatam ho sakti hai. Kuch brand phone ko root karne ki permission dete hain lakin bahut se brand phone ko root karne ki permission nahi dete. Halaki phone ko wapas se unroot karne par aapki warranty wapas aa jayegi.
  • Root karne ke baad aapko android ko koi bhi security update nahi milta jisse phone me virus aane ka khatra bana rahta hai iske alawa rooted phone ka hack hone ka bhi khatra bana rahta hai.

Kya 2020 me android phone ko root karna chahiye

Kya 2019 me android phone ko root karna chahiye

Jadatar log phone ko root uski performance badhane ke liye karte hai aur aaj se 3-4 saal pehle bahut log apne phone ko root kar dete the kyonki pehle ke phone me aapko jada acche hardware nahi milte the jisse pehle ke phone bahut jada lag karte the aur acche specification wale phone bahut jada mehnge aate the lakin aaj 2019 me aapko bahut hi kam keemat me kamaal ke phone mil jate hain jinme bahut hi accha processor laga hota hai isiliye aaj ke time aapko phone root karne ki bilkul bhi jarurat nahi hai kyonki aaj ke phone me waise bhi koi lag dekhne ko nahi milta lakin agar aap kuch aisa karna chahte hain apne phone me jo bina root ke nahi ho sakta jaise ki kuch root wali application ko chalana, to aap fir aap apne android phone ko root kar sakte hain.


Post a Comment

0 Comments