Top 5 best earphones under ₹500 with mic in hindi
Kya aap ek budget earphones dhoond rahe hain agar ha to aap bilkul sahi jagah aaye hain. Me is article me aapko bataunga top 5 best earphones under ₹500 in hindi. Is time pe aane wale jadatar smartphones me aapko earphones nahi milta kyonki humlog jadatar budget smartphone hi khareedte hain aur companies smartphones ko sasta karne ke liye box me earphones nahi deti jabki pehle aane wale jadatar smartphones me aapko earphones dekhne ko mil jata tha lakin ab bhi kuch mehnge brand jaise ki Samsung, oppo, vivo, apple brand ke smartphones me box me hi earphones mil jate hain lakin kuch brand jaise ki mi, realme, OnePlus etc apne box me earphones nahi dete aur jadatar log inhi brand ka smartphone lete hain kyonki ye kam price pe bahut acche features de dete hain isiliye main aapko 5 best earphones bataunga jo aap ₹500 se bhi kam ki price par khareed sakte hain aur in sabhi earphones ki sound quality and build quality kafi acchi hai aur sabhi mic ke sath aate hain.
1. Realme earbuds with mic
Realme ki taraf se aane wala yah earphone ₹500 se bhi kam ki price par aata hai jise humne 1st number par rakha hai. Realme earbuds dekhne me kafi accha lagta hai jisme braided wire di gayi hai jo asani se nahi kharab hoti hai aur wire ki length 1.25 meter ki hai. Isme 11 mm ke audio drivers diye gaye hain jinse in earphone me kafi powerful bass milta hai. Iske sath isme 3 button diye gaye hain jinse aap music volume control, phone call control and aur bhi bahut sare control kar sakte hain. Realme earbuds kafi lightweight and comfortable hain. Ye earphones 6 months ki warranty ke sath aate hain.
2. Mi earphones basic with mic
Mi ki taraf aane wala yah earphone sirf ₹399 ka hai jo bahut acchi sound quality ke sath aata hai. In earphones me 10 mm ke drivers diye gaye hain jisse ye earphones bhi kafi accha bass dete hain iske alawa sound clarity bhi kafi acchi hai. Mi earphones basic me aluminium sound chamber diya gaya hai iske sath isme 1.25 m ki tangle free cable di gayi hai. Ye earphone L shape 3.5 mm jack ke sath aate hain jo ki gold plated hai. Iske sath ye bhi kafi lightweight and comfortable hain aur aapke ear me kafi acche se fit ho jate hain in earphones me single button diya gaya hai jiski madad se aap music play/pause and calls ko bhi handle kar sakte hain. Mi earphones basic 6 months ki warranty ke sath aate hain aur ₹399 me value for money earphone hain aur ab aapko lagbhag har jagah mi ka service center dekhne ko mil jata hai jisse iski service me bhi koi problem nahi hogi.
3. boAt BassHeads 225
Boat BassHeads 225 me metal housing dekhne ko mil jati hai jo ise kafi styles look deti hai. Boat earphones mainly bass ke liye jane jate hain lakin maine ise personally use kiya aur mujhe iska bass utna bhi khas nahi laga jitna boat wale iski advertising karte hain aapko lagbhag similar bass mi earphones basic me dekhne ko mil jata hai. Boat BassHeads 225 me bhi 10 mm ke drivers lage hue hain jabki aapko realme earbuds me isse accha bass mil jata hai kyonki usme 11 mm ke drivers lage hue hain. Halaki iska sound utna bhi bura nahi hai balki accha sound mil jata hai aur agar me bass ki baat karu to wah average se thodi upar hai par iski jo main quality hai wo hai iski build quality yah earphone kamaal ki build quality ke sath aata hai jise aap traveling ke dauran bhi asaani se use kar sakte hain. Isme aapko tangle free cable dekhne ko mil jati hai and 3.5 mm jack bhi L shape me diya gaya hai jo ki gold plated hai. boAt BassHeads 1 year ki warranty ke sath aata hai.
Agar aap jada bass wala earphones ko dhoond rahe hain to boat se accha bass aapko realme earbuds me mil jayega lakin agar aap ek balanced sound wala earphone dhoond rahe hain jiska bass bhi accha ho aur build quality bhi to aap boAt BassHeads 225 le sakte hain. Boat BassHeads 225 ka price upar neeche hota rahta hai jadatar time yah 599 ka bikta hai aap latest price check kar sakte hain.
4. JBL C50HI
Jbl c50hi dikhne me kafi acche lagte hain in earphones me aapko kafi balanced sound milta hai isiliye agar aap heavy bass sunna pasand karte hain to ye earphones aapko nirash kar sakte hain. Jbl c50hi ki build quality kafi average hai cable kafi patli hai aur earphones ki housing plastic ki bani hui hai jis wajah se inhe aapko kafi sambhal kar rakhna hoga. Halaki plastic ka use hone ki wajah se ye earphone bahut jada lightweight and comfortable ho jate hain balki ₹500 ke budget me ye sabse jada lightweight and comfortable earphone hain. Iske alawa isme jbl ki branding aapko sabhi jagah dekhne ko mil jati hai iske sath isme single button diya gaya hai jisse aap music and calls ko handle kar sakte hain. Iske alawa isme bhi L shape 3.5 mm jack mil jata hai lakin yah gold plated nahi hai. Jbl C50HI 1 year ki warranty ke sath aate hain jo ki acchi baat hai.
Ye earphones un logo ke liye best hone wale hain jo clear sound sunna pasand karte hain aur jinhe clear vocals sunna pasand hai.
5. boAt BassHeads 162
Boat BassHeads 162 kafi comfortable and stylish hain. Isme bhi aapko same 10 mm ke drivers mil jate hain jo thik thak sound quality dedete hain. Agar me top ke 3 earphones se iska comparison karu to upar ke earphones ki sound quality jada acchi hai. BassHeads 162 me aapko braided cable mil jati hai and iska 3.5 mm jack bhi angled diya gaya hai. Boat ke jadatar earphones comfortable nahi hote lakin yah kafi comfortable hai. Agar aap ko ek styles dikhne wala earphone chahiye jo comfortable bhi ho aur sound quality bhi thik thak ho to aap inhe le sakte hain warna upar aur bhi acche options hain.
0 Comments