Whatsapp new features 2020 - fingerprint lock, call waiting, groups

Whatsapp new features

Whatsapp apne har update ke baad kuch naye features leke aa jata hai aur is baar bhi aapko whatsapp me kuch new features dekhne ko mil jayenge to chaliye jante hain new features of whatsapp 2020 jisme se ho sakta hai ke kuch features aapko bahut kaam ke lage aur kuch features aapko pasand na aaye. Whatsapp january 2020 me aapko 3 new features dekhne ko mil jayenge to chaliye jante hain konse hain wo 3 new features for whatsapp aur unhe kaise use karna hai.

1. Fingerprint lock

Hum me se bahut se log nahi chahte ki koi hamara whatsapp chat padhe lakin bahut se logo ko apna phone gharwalo ke sath share karna padta hai jis wajah se gharwalo ko aapke phone ka password pata hota hai aur wo aapke whatsapp ko access kar sakte hain lakin ab aapko parsaan hone ki jarurat nahi hai kyonki whatsapp me ab aapko apna fingerprint lock lagane ka option mil jata hai jis wajah se ab koi bhi aapka whatsapp bina aapki permission ke access nahi kar sakta. Is feature me pin ka option nahi diya gaya hai jis wajah se yah sirf fingerprint se hi khulega isiliye ab aap apne phone ko kisi ke sath bhi share kar sakte hain wo aapke phone ke baki sab app ko to open kar payega lakin agar aapne apne whatsapp me fingerprint ko enable kar diya hai to wah aapke whatsapp ko nahi khol payega.

Whatsapp me fingerprint lock kaise enable kare

Whatsapp me fingerprint enable karne ke liye aapko kuch steps ko follow karna hoga.

Step 1: Sabse pehle apne whatsapp ko open kar lijiye.

Step 2: Ab aapko upar menu wale icon par click karna hai.

Step 3: Ab aapko settings par click karna hai jiske baad aapke samne whatsapp ki setting khul jayegi.

Step 4: Ab aapko account par click karna hai.

Step 5: Iske baad aapko privacy par click karna hai.

Step 6: Ab aapko sabse neeche ki taraf fingerprint lock ka option dikh jayega uspar aap click kar dijiye.

Step 7: Ab aap unlock with fingerprint ko enable kar dijiye jiske baad aapko apna fingerprint dalna hoga aur aapke whatsapp me fingerprint lock chalu ho jayega.

2. Groups me add karna

Pehle whastapp me agar aapka whatsapp number kisi ke pass hai to wah aapko aapki bina permission ke group me add kar sakta tha aur hum kai baar nahi chahte ki koi bhi anzaan person hamari bina permission ke hame groups me add kare. Halaki aap group se exit to ho sakte the lakin koi agar chahe to wah aapko dubara us group me add kar sakta tha lakin whatsapp ke is update ke baad aapko koi aapki bina permission ke group me add nahi kar sakta. Whatsapp ke is feature ko enable karne ke liye aapko kuch steps ko follow karna hoga.

Step 1: Whatsapp ke Upar menu wale icon par click kare.
  Step 2: Ab account par click kar dijiye.

Step 3: Iske baad privacy par click kare.

Step 4: Ab aapko neeche ki taraf groups ka option mil jayega jispar click kar dena hai.

Step 5: Ab aapko 3 option milenge jaha agar aap everyone par click karnge to har koi aapko kisi bhi group me add kar payega. Agar aap my contacts par click karenge to aapne jinka bhi contact apne phone me save kar rakha hai sirf wahi aapko group me add kar sakte hain. Aur agar aap my contacts except... Par click karnege to aap apne contact list me se jo bhi contacts ko select karenge wo aapko group me add nahi kar payenge.

3. Call waiting

WhatsApp me ab aapko call waiting ka naya feature mil jata hai pehle jab aap whatsapp par voice call kar rahe hote the aur agar aapko koi aur whatsapp par call karta tha to aapko pata hi nahi chalta tha ki kiski call aa rahi hai aapko call cut hone ke baad pata chalta tha lakin ab whatsapp ke is new update ke baad jab aap whatsapp call par baat kar rahe hain aur agar dusri call aati hai to aap call ke dauraan hi us call ko answer ya decline kar sakte hain.

Mujhe umeed hai ki aapko hamari yah post new whatsapp features 2020 pasand aayi hogi. Maine aapko whatsapp ke january 2020 update ke sabhi new features bata diye ab aapko jo bhi whatsapp ka feature pasand aaya aap us feature ko use kar sakte hain.