what is PUBG ? | how to play pubg in hindi | pubg kya hai

What is PUBG ? pubg kya hai 


what is pubg | pubg full form


Hello doston swagat hai aapka tech support in hindi me doston aapne kabhi na kabhi PUBG ka naam to jarur suna hoga aise me aap ho jate hain confused  ki aakhir ye PUBG kya hai aur pubg ka full form kya hai to doston aapko bata de ki ye PUBG aur khuch nahi balki sirf ek online multiplayer game hai jiska full form PlayerUnknown's Battlegrounds (PUBG) jise South Korean video game company Bluehole ki madad se  PUBG Corporation dwara banaya gya hai. PUBG four platforms par available hai aur wo hai Microsoft Windows, xbox one,  android aur ios. sabse pehle PlayerUnknown's Battlegrounds (PUBG) ko Microsoft Windows ke liye December 20, 2017 ko PUBG Corporation dwara publish kiya gya tha aur phir android and ios ke liye February 9, 2018 ko tencent games dwara publish kiya gya aur uske baad xbox one ke liye Microsoft studios dwara September 4, 2018 ko publish kiya gya. PlayerUnknown's Battlegrounds (PUBG) ek online multiplayer battle royale game game hai jisme ek sath 100 log khel sakte hain. PUBG mainly ek shooting game hai aise me agar aap shooting game ke shoukeen hai to PUBG aapke liye bahut hee accha game hone wala hai.pubg kya hai.what is pubg.

pubg full form - PlayerUnknown's Battlegrounds

PUBG kaise khele (how to play pubg in hindi)

how to play pubg in hindi


doston kya aapko pata hai pubg kaise khele agar nahi to iss post me aap jaan jayenge how to play pubg iss game ko khelne ke liye aapke pass internet connection hona jaruri hai. iss game me ek sath 100 log khel sakte hain isme 4 logo ki team (squad) hoti hai lakin agar aap chahe to apni team (squad) me 4 se kam bhi khel sakte hain. aapko inhi 100 logo me last tak bache rahna hota hai aur jo last tak bacha rahta hai wo winner ho jata hai aur 4 logo ki team me agar sirf 1 hi bachta hai last tak to bhi puri team winner mani jati hai. Is game me 100 logo ko ek airplane ke jariye island me parachute ke dwara utaar diya jata hai utarne ke tutrant baad hee player buildings aur dusri jagaho me weapons, vehicles, armor, and other equipment search karte hai. jab player island me utarte hain to unke pass kuch bhi nahi hota. Iske aalawa agar aap kisi ko kill karte hain to aap uske sare equipment le sakte hain. island me 2 circle hote hain ek blue aur dusra white dono time ke sath chote hote jate hain aapko white circle ke andar rahna hota hai agar aap white circle ke bahar jate hain to aap safe zone se bahar ho jate hain aur agar aap blue circle ke bahar chale jate hain to aapki health kam hone lagti hai aur agar aap jaldi blue circle ke andar nahi aate to aapki death ho jati hai. Iss game ka maza tab aur badh jata hai jab circle ekdam chota ho jata hai aur sirf 2 ya 3 player hee bachte hain tab isme aapka neesana aur chalaki bahut kaam aati hai. Is game me agar aapke teammate ko goli lag gayi hai to use aap revive bhi kar sakte hain aur fir jo last tak survive karta hai use winner winner chicken dinner mill jata hai.

Meaning of winner winner chicken dinner 


PUBG me jo bhi jeet jata hai use chicken dinner milta hai kya aapko pata hai chicken dinner ka matalab. aapko bata de ki purane jamane me western countries me log jua khela karte the aur jo jue me jeet jata tha wo uss din chicken afford kar sakta tha isi liye is game me aap jab jeet jate hain to aapko chicken dinner mill jata hai.

Kyon hai PUBG itna popular 


aaj ke time me pubg bahut hee popular game ban chuka hai aur jab se pubg mobile launch hua hai tab se iski popularity aur bhi badh gai hai. iske aalawa pubg ke popular hone ke kai karan hai jaise  - 

  • online multiplayer 

pubg ek online multiplayer game hai jisse aap ghar baithe apne doston ke sath khel sakte hain aur jo doston ke sath game khelne me maza aata hai wo alag hi hota hai aap iss game me puri strategy banake apne doston ke sath mission ko anjaam de sakte hain. isse ek memory create hoti, ek alag hi maza aata hai.

  • voice chat 

pubg ek aisa game hai jisme aap khelte waqt apne teammates ke sath voice chat kar sakte hain jisse aap planning kar sakte hai aur yahi feature pubg ko baki games se alag aur khas banata hai.

  • openworld 

waise to kai game open world hote hain lakin pubg open world ke sath - sath multiplayer bhi hai jisse aap iss game me loot ke liye alag - alag gharo me ja sakte hain, doston ke sath kahi bhi gadi me ghum sakte hain aur aap ghumte hue bhi firing kar sakte hain jisse ek alag hi anubhav milta hai.

Iske alawa aur bhi bahut se karan hain pubg ki popularity ke liye jaise ki isme aap guns ke parts ki loot kar sakte hain like gun suppressor jisse aap guns ki efficiency badha sakte hain, teammates ko revive kar sakte hai etc.

PUBG minimum requirements for PC

1. Requires a 64-bit processor and operating system
2. OS: 64-bit Windows 7, Windows 8.1, Windows 10
3. Memory: 6 GB RAM
4. Processor: Intel Core i3-4340 / AMD FX-6300
5. Graphics: nVidia GeForce GTX 660 2GB / AMD Radeon HD 7850 2GB
6. DirectX: Version 11
7. Network: Broadband Internet connection
8. Storage: 30 GB available space

PUBG mobile minimum requirement

For iPhone: 
1. ios 7 ya isse upar ka ios                     
2. Memory - 2 GB RAM
3. Storage - 16 GB

For android: 
1. 5.1.1 (Lollipop) or later
2. 2 GB RAM (agar stock Android hai to) aur agar aapke phone me brand ka khud ka UI(user interface) hai (like oppo, vivo) to minimum 3 GB ram
4. Storage - 16 GB

Conclusion 

doston pubg ek behtreen game hai aapko ise ek baar jarur khelna chahiye lakin ek baat ka hamesa dhyan rakhe ki iss game ka addiction bahut jaldi hota hai isiliye ise limit me hi khele warna aapko iski lat lag jayegi.

aapko hamara aaj ka article kaisa laga comment karke jarur bataye.agar aap ko article pasand aaya ho to ek share jarur kare.jude rahe humari website www.techsupportinhindi.com se.





Post a Comment

0 Comments