upi kya hai | what is upi in hindi | upi id kaise banaye

upi kya hai

upi kya hai | upi id kaise banaye

India me jab se 500 aur 1000 ke note band hue hain tab se india me cashless economy increase hui hai matlab ki ab jadatar log cashless payment system ki taraf ja rahe hain lakin cashless hona itna asaan nahi tha. Pehle agar kisi ko cashless payment karna hai to aapke pass internet banking hona jaruri tha aur agar aapke pass internet banking hai bhi to payment bhejne ke liye kafi parsani ka samna karna padta tha jaise ki baar baar login karna, samne wale ka account number dalna ifsc code dalna etc isiliye in sab parsaaniyo ko dekhte hue upi ko banaya gaya hai to aaiye jante hain upi kya hai and upi id kaise banaye. Upi ka pura naam hai Unified Payments Interface jise NPCI (National Payments Corporation of India) ne develop kiya hai. NPCI wo organization hai jo manage karti hai ATM's ko aur unke beech ho rahe interbank transactions ko jaise ki aap sbi ke bank se axis bank me paise bhej sakte hain ya fir axis bank ke ATM se sbi bank ke ATM me jakar paise nikal sakte hain ye sab NPCI manage karta hai. Jis prakar aap internet banking ya fir paytm se kisi ko paise bhejte hai usi prakar aap upi ki madad se kisi bhi bank account me direct paise bhej sakte hain wo bhi bina kisi parsani ke. Iske liye sirf aapko upi id banana hoga jo ki kafi aasan hai iske baad aap jab chahe transaction kar sakte hai isme aapko samne wale ki puri bank details dalne ki jarurat nahi padti sirf upi id dalna hota hai jo alag alag apps ki upi id alag alag hoti hai jaise ki agar aap phonepe me upi account banate hai to uski upi id 123456@ybl kuch is prakar hoti hai iske alawa aapko baar baar login nahi karna padega aapke paas 4 ya 6 anko ka upi pin hoga jise aap transaction ke time dalenge jisse yah kafi secure bhi ho jata hai aur internet banking ki tarah baar baar login bhi nahi karna padta. Iske alawa upi ki madad se mobile recharge, DTH recharge, online shopping ya movie ki tickets sabhi ki payment turant ki ja sakti hai.


upi full form - Unified Payments Interface

UPI aur paytm me kya antar hai

Paytm ek wallet based service hai matlab paytm se aapka bank account connect nahi hota aur agar aap paytm wallet se bank account me money transfer karte hai hain to aapko 4% service tax dena padega jabki upi direct aapke bank se link hota hai aur upi se money transfer karne me aapko koi service tax nahi dena padta.

upi full form in hindi - एकीकृत भुगतान इंटरफ़ेस

UPI id kaise banaye

UPI id banane ke liye aapko kuch cheezo ki jarurat padegi. Sabse pehle aapke paas Android ya ios smartphone hona chahiye, aapke paas debit card hona chahiye iske alawa aapke phone me wahi sim card hona jaruri hai jo aapke bank account se link hai iske sath aapke sim card me kam se kam ek sms bhejne jitna balance hona chahiye. Ab aapko google play store ya ios store me jakar upi app install karna hoga jaise kuch upi app hai google pay(tez), phonepe. Uske baad aap apna phone number and email id dalkar sign in kar lijiye fir uske baad apne bank ki details daal dijiye iske baad aapko apna upi pin set karna hoga fir aapko virtual id mil jayegi jise upi id kehte hain aur is id ki madad se aap kisi bhi upi user ke sath transaction kar sakte hain.


UPI pin kya hota hai

Upi pin thik usi prakar hota hai jis prakar atm card ka pin hota hai jab bhi aap kisi ko paise bhejte hai to security ke liye aapko 4 ya 6 anko ka pin dalna hota hai jisse upi app ko ye confirm ho jata hai ki wo upi account aap hi ka hai jis prakar atm se paise nikalte samye aapko sahi atm pin dalna hota hai. Upi pin ki madad se aap baar baar login karne se bach jate hain bas aapko 4 ya 6 anko ka pin yaad karna hota hai.


Top upi apps

Play store and ios store me bahut sare upi apps hain jise aap download kar sakte hain sabhi apps ke alag alag fayede hain jo chaliye jante hain top upi apps konse hain


1. Google pay(tez)

top upi apps | google tez kya hai

Google ki taraf se aane wala google pay(tez) kafi secure and simple hai. Google pay(tez) me sign up karne ke liye aapko gmail account ki bhi jarurat padegi jo ki agar aap android me download karte hain to ye aapke google account se automatic sync ho jayega. Kyonki yah upi app google ne banaya hai isiliye security ko lekar aapko koi fikar karne ki jarurat nahi hai. Iske alawa aap google pay(tez) me cashback bhi paa sakte hain. Aap jab bhi kisi ko payment bhejte hain to aapko voucher mil jata hai jise aap scratch karke cashback jeet sakte hain. 150 se upar bhejne par aapko 1000 tak ka voucher milta hai and 500 se upar bhejne par aapko 100000 tak ka voucher milta hai. Halaki voucher scratch karne par aapko har baar cashback mile ye jaruri nahi hai. Iske alawa isme aap logo ko invite karke bhi paise kama sakte hain iske sath kuch offers jaise tez shot chalte rahte hain jisme aap game khel ke bhi cashback pa sakte hain. Cashback direct aapke bank account me jata hai.

2. PhonePe

top upi apps | phonepe kya hai
PhonePe app flipkart ki taraf se aata hai. PhonePe use karne me kafi asan hai aur flipkart ne phonePe ko banaya hai to security ko lekar bhi koi tension nahi. PhonePe me abtak 2 billion se jada transaction ho chuke hain. Iske alawa isme bhi aap cashback jeet sakte hain isme aapko mobile recharge ya dth recharge me cashback milta hai iske sath google tez ki tarah isme bhi aapko voucher milta hai jise scratch karke aap cashback jeet sakte hai lakin cashback ke paise aapke PhonePe wallet me aate hain jise aap bank account me transfer nahi kar sakte lakin ise aap mobile ya dth recharge me use kar sakte hain.

3. BHIM

top upi apps | bhim app kya hai
BHIM ka pura naam hai Bharat Interface for Money. BHIM NPCI (National Payments Corporation of India) ki taraf se aane wala official upi app hai jo use karne me kafi asan aur simple hai. Iske alawa aap paytm and aur bhi bahut sare banks ke upi app ko use kar sakte hain.


UPI se related FAQs

1. Konsa upi app sah hai ?

Aap koi bhi upi app download kar sakte hai agar main baat karu best upi app ki to Google Pay(tez), PhonePe, BHIM ye kuch best upi app hain.

2. Kya ek se jada upi app ek hi phone number se use kar sakte hain?

Yes, ek se jada upi app ek hi number se use kar sakte hain aapko alag alag app ki alag alag upi id milegi lakin paise aapke ek hi bank account me aayenge jo bank account upi app se link hoga.

3. Kya ek upi app me ek se jada bank account add kar sakte hain?

Aap jitne chahe utne bank account add kar sakte hain lakin wo sabhi bank account ek hi number se link hona chahiye jis number se aapne upi account banaya hai.

Post a Comment

0 Comments